Geschreven voor Toal en Taiken, het tijdschrift van de Groninger cultuur bij een schilderij van P. M. Dijkstra
t Paterswoldsemeer
Spierwidde zeilen, kiek ze blinken op t meer,
een heule baarg BM'ers bennen ien de weer,
vissers en zeilers, passanten van dichtbie
bie zeilwedstrieden bennen ze der geern bie.
Feesteleke doagen, veur elkenain vermoak
elk seizoen uutnuigend, op t ies is t ook voak drok.
t Lokt de wottersporter, al is t weer nog zo roeg
en kunstenoars uut t Noorden, leden van de Ploeg.
Er is n baarg ienspiroatie, er is gain dag geliek,
sums schilderen ze wolken of stukjes Koninkriek.
Een spaigeling van kleuren vult zo n schildersdouk,
elke keer verrassend, vanuut een aandere houk.
Maineg kunstlaifhebber verlustegt zich er in,
herinnert zich de doagen, allain of met gezin,
de tochten op de scheuvels ien de zundagszun,
dat Paterswoldsemeer, veur koppels voak n begun...
Coby Poelman-Duisterwinkel